Fjarnám á háskólastigi

Samstarfsverkefni HA og Miðstöðvar símenntunar

12.1.2019

Háskólinn á Akureyri og Miðstöð símenntunar í Hafnarfirði eru í samstarfi um fjarnám á háskólastigi á höfuðborgarsvæðinu. Háskólinn á Akureyri skipuleggur fjárnámið og ber á því faglega ábyrgð.  Miðstöð símenntunar leggur til náms- og starfsaðstöðu með nettengingu fyrir nemendur í Hafnarfirði, miðlar upplýsingum og gögnum til þeirra og annast tæknilega umsjón vegna fjarkennslu og prófahald. Skólaárið 2019-2020 er starfrækt B.Ed. nám í kennarafræðum, bæði á leik- og grunnskólastigi, B.S. nám í viðskiptafræði, B.S. nám í líftækni og sjávarútvegsfræði og B.S. nám í iðjuþjálfunarfræði og hjúkrunarfræði ásamt námi í félagsvísindadeild (sálfræði, fjölmiðlafræði, nútímafræði, félagsvísindum og lögreglufræði). Einnig fá nemendur sem ekki eru skráðir í Hafnarfirði þjónustu vegna fjarfunda og prófa sé þess óskað.  Fyrirkomulag fjarnámsins er mismunandi eftir hverri deild og greinum. Fjarnám er ýmist stundað sem fullt nám samhliða dagskóla eða nám sem er sniðið að þörfum þeirra sem stunda fjarnám samhliða starfi. Nánari upplýsingar um fjarnám Háskólans á Akureyri eru veittar hjá viðkomandi deildum (s. 460 8000) og einnig má finna upplýsingar um námið á www.unak.is

PRÓFAGJÖLD FJARNEMA HSUST 2019

  • Próf haust 2019  3.900 kr. fyrir hvert próf að hámarki þrjú próf
  • Gjald vegna sjúkra- og endurtökuprófa haust 2019 er kr. 3.900- fyrir hvert próf
  • Prófgjald utan hefðbundins próftíma (símatspróf) er kr. 3.900 kr. fyrir hvert próf
  • Prófgjald fyrir fjarnema sem flytja próf síns til  Hafnarfjarðar er kr. 3.900- fyrir hvert próf

 

 

 


Námsflokkar Hafnarfjarðar - Miðstöð símenntunar | Menntasetrið við Lækinn | 220 Hafnarfirði | Sími 585 5860