Garðyrkjunámskeið á vorönn 2018

Námskeið með Steini Kárasyni

30.1.2018

 

Sáning og ræktun kryddjurta og matjurta 6. febrúar – 1 skipti. mánudagur kl. 19.30 – 21.30. Verð kr. 6.000-

Fjallað um sáningu og ræktun algengra og auðræktanlegra kryddjurta og matjurta. Sagt frá mismunandi tegundnum og afbrigðum og á hvaða árstíma er vænlegast að sá til hverrar tegundar. Þátttakendur fá fræðslu um hvaða ræktunaraðstæður og hvaða aðföng þarf til að ná góðum ræktunarárangri.

 

Ávaxtatré, ræktun og klipping 13. og 20. febrúar – 2 skipti. Mánudaga kl. 19.30 – 21.30. Verð kr. 8.500-

Fjallað er um gróðursetningu, klippingu og umhirðu helstu ávaxtatrjáa sem þrífast á Íslandi, en það eru epli, perur, plómur og kirsuber. Helstu efnisatriði námskeiðsins eru yrki, jarðvegur, skjól, áburður og vökvun ásamt uppbindingu, frjóvgun og grisjun blóma og aldina. Sýndar verða teiknaðar skýringarmyndir og einnig ljósmyndir af íslenskum ávaxtatrjám.

 

Trjá- og runnaklippingar 4. apríl – 1 skipti. Þriðjudagur kl. 19.00 – 21.30. Verð kr. 6.000-

Fjallað er um tímasetningu og klippingaaðferðir, s.s. vaxtarstýringu, krónuklippingu lauftrjáa, klippingu barrtrjáa, formklippingu, uppbyggingu og klippingu limgerða. Kennt er að greina á milli klippingaaðferða runna sem blómgast á árssprotum eða á fyrra árssprotum. Einnig fjallað um rósir, algenga berjarunna og að færa tré og runna. Fjallað um græðlingatöku og undirstöðuatriði við fjölgun og sáningu nokkurra viðartegunda.

 

Lífræn ræktun 6. mars – 1 skipti. Mánudagur kl. 19.00 – 21.00. Verð kr. 6.000-

Helstu efnisþættir á námskeiðinu eru markmið lífrænnar ræktunar og lífræns landbúnaður. Tilgangur lífrænnar ræktunar og aðferðafræði byggð á reynslu kynslóðanna. Lífrænn áburður og hlutverk hans, safnhaugagerð, safngryfjur, tunnur og tankar. Áhrif himinhnatta á plöntur, hvatar og sáðalmanök og loks er fjallað um lífrænar varnir gegn sjúkdómum, þar með talið seyði.

 

Vorverkin í garðinum

  1. mars – 1 skipti. Mánudagur kl. 19.00 – 21.00. Verð kr. 6.000-

 

Helstu umfjöllunarefni á námskeiðinu eru trjá- og runna klippingar, gróðursetning og umplöntun ásamt áburðargjöf. Hreinsun beða og safnhaugagerð. Að færa tré og runna. Grassláttur og aðgerðir gegn mosa. Kantskurður, vökvun og önnur viðhaldsverk. Áherslur á námskeiðinu verða sniðnar að óskum þátttakenda eins og kostur er.

 

 

 

 

 

 

 

 

Nám breytir því bæði hvernig maður lýtur á sjálfan sig og hvernig maður kemur öðrum fyrir sjónir. Það er vegna þess að nám opnar manni nýja möguleika. Hjá Miðstöð símenntunar er hægt að kynnast nýjum hlutum og nálgast nýjar hliðar á tilverunni í félagsskap.

Tungumál

Námsflokkarnir - Miðstöð símenntunar hafa boðið upp á tungumálakennslu með góðum  árangri í áratugi. Að læra nýtt tungumál er árifarík leið sem hægt er að fara til þess að kynnast nýjum flötum á tilverunni. Með nýju tungumáli opnast fyrir hughrif menningarsvæðis og endurmat á eigin möguleikum. Mismunandi málsvæði bjóða upp á mismunandi hugarferla og skilgreiningar á veruleikanum, eins og sést oft á beinþýðingum.

Fyrirtæki og vinnustaðir

Við sérhönnum styttri námskeið í samvinnu við fyrirtæki og vinnustaði eftir þeirra óskum til þess að veita tækifæri á jákvæðum upplifunum og bættri þekkingu.

 


Námsflokkar Hafnarfjarðar - Miðstöð símenntunar | Menntasetrið við Lækinn | 220 Hafnarfirði | Sími 585 5860